एक नवीन ध्यास (मराठी कथा)
एक नवीन ध्यास (अलक / मराठी कथा )
सतत च्या अपयशाने मी खचून जाऊन कुठ तरी लांब प्रवासाला जाण्याचे ठरविले , बस ने प्रवास करतांना दहा किलोमिटर अंतरावर एक बस स्थानक लागले व काही वेळ तिथे बस थांबली , आणि सहज म्हणून मी खिडकीच्या बाहेर डोकावले तर डोंबर्यांचा खेळ सुरू होता व खेळ खेळत असताना लहान लहान मूल एक एक रुपया जमावाकडून गोळा करीत होती. प्रवासी बस मध्ये बसले बस पुन्हा सुरु झाली माझ्या डोक्यात डोंबाऱ्याचा खेळ व पैसे जमा करणारे लहान मुले दिसत होती , कशाची तरी शरीरात ऊर्मी चढत होती , बस चालकाला आवाज दिला व बस थांबायला सांगितली बस मधून उतरलो व बस ला जाण्यास सांगितले , आता माझ्या घराच्या दिशेने मी पायी जात होतो व जीवन जगण्याचा मला एक नवीन ध्यास मिळाला होता , मनाने एक नवीन वेध घेतला व त्या दिशेने प्रवास सुरू केला
:- पवन नागोराव प्रभे *नामवंत*
कोणत्याही टिप्पण्या नाहीत:
टिप्पणी पोस्ट करा